Как правильно класть плитку. Как класть плитку на стену быстро. Класть плитку своими руками. Как выбрать ламинат для квартиры. Какой лучше выбрать ламинат сегодня. Какого цвета выбрать ламинат. Как правильно клеить обои. Как клеить обои на потолок вертикально. Как правильно клеить углы обоями. Интересные самоделки своими руками. Качественные самоделки своими руками фото. Самоделки для дома своими руками. Как сделать потолок в доме. Чем лучше утеплить потолок дома на сегодняшний день. Утепление потолка дома своими руками. Бизнес идеи с минимальными вложениями. Успешные идеи малого бизнеса с нуля. Прибыльные бизнес идеи. Как сделать мебель своими руками. Сделать деревянная мебель своими руками. Сделать мебель своими руками видео. Опалубка для фундамента. Как сделать опалубку для фундамента быстро. Опалубка для фундамента купить.
Қазақстан - Ұлы Дала Елі
Туған жеріне өлердей ғашық өлкетанушы Зейнолда Қайсеновтың « 1916 жыл Шығыс өңіріндегі халық көтерілісі», «Шығыс өлкесінің тарихи әдеби очерктері» атты кітаптары біздің қорға түсті.
1916 жылы қазіргі Шығыс Қазақстан облысы, Ұлан ауданы жерінде орын алып, тарихта «Орайшап» деген атпен қалған халық көтерілісіне 100 жыл толуына орай шығарылған. Тайынты болысында орын алған ұлт-азаттық көтерілісінің себеп-салдарын тереңдей зерттеп, елдің азаттығы үшін жанын қиған қасбатырлардың жанқиярлық ерліктерін кейінгі ұрпаққа паш етеді.
Сәукетаев Тұрысбек (1950 ж.) – жерлес жазушы, аудармашы, Қазақстан Жазушылар Одағының мүшесі.
Тұрысбек Сәукетаевтің соңғы уақытта заманымыздың соқпалы кезеңдерін суреттейтін «Қилы тағдыр» атты романдар циклін жазып жүргені көзі қарақты оқырман қауымға жақсы таныс.
«Желқайық романы -сол цикльдің үшінші кітабы. «Ан-Арыс» баспасынан 2019 жылы басылып шықты. «Айқараңғысы», «Бұлағай» романдарының жалғасы.
"Желқайық" -көп салалы күрделі роман.
Азаттық қарсаңындағы қазақ қоғамының әлеуметтік халі, рухани болмысы психологиялық кең ауқымды көркемдік қуатпен барынша шынайы суреттелген.
Кітап сіздің еншіңізде. Келіңіз, таныс болыңыз !
Мамыр айының соңғы күні ХХ ғасырдың басында талайды сарсаңға салып, қасірет шектірген саяси қуғын-сүргін құрбандарын еске алу күні. Нақ осы жылдары қазақтың ғылым, мәдениет және саясат саласының зиялы қауым өкілдері жаппай жазықсыз жазаға ұшыраған еді.
Сондай жазықсыз қуғын-сүргін зардабын тартқандардың бірі - қазақтың көрнекті саяси жəне қоғам қайраткері, Алашорда үкіметінің мүшесі, тарихшы-ғалым,этнограф, қазақтан шыққан тұңғыш теміржол қатынастарының инженері Мұхамеджан Тынышбаев болатын.
«Рухани жаңғыру» бағдарламасы аясында 23 мамыр күні сағат 15.00 –де кітапханада Мұхамеджан Тынышбаевтың туғанына 140 жыл толуына орай «Мұхамеджан Тынышбаев: Ғұмырдан да ұзақ жол» атты ғұмырнамалық кеш өтті.
Достар!
Сіздерді және сіздің жақындарыңызды
Ұлы Жеңіс мерекесімен шын жүректен құттықтаймыз.
Жауынгерлік ерлігімен, ерен еңбегімен Жеңіс күнін жақындатқан шығысқазақстандық жерлестерімізді құрметпен еске алайық!
Шығыс Қазақстан ҰОС жылдарында (1941-1945 жж.)
Әскерге шақырылғаны - 170059 адам.
Қаза тапқандар - 95 862 адам.
Жауынгерлік ерлігі үшін 29 мың шығысқазақстандық сарбаз Кеңестер Одағының орден-медальдарымен марапатталған.
Кеңес Одағының шығысқазақстандық батырлары - 109.
«Даңқ» орденінің шығысқазақстандық толық иегерлері - 22
Шығыс Қазақстан аумағында 8-ші және 238-ші атқыштар дивизиясы құрылды.
Қоныс аударып келген 12 кәсіпорын орналастырылып, іске қосылды.
Жауға атылған әр 10 оқтың 4-уі біздің облыста, әр 10 оқтың 8-і Қазақтанда жасалған еді.
Жыл сайын шығатын «Қазақстан-Ресей» әдеби-көркем альманағының төртінші басылымы 2018 жылы өзінің 20 жылдығын атап өткен Астананың мерейтойына арналады. Жинақта Қазақстанның тұңғыш президенті Н. Ә. Назарбаевтың Еуразияның жүрегінде жаңа астана тұрғызудағы рөліне арналған шығармалар. Альманахқа Астанада өткен «Ақ ордалы-Астана» халықаралық поэзия кешіне қатысушылардың әлем халықтары тілдеріндегі өлеңдері енгізілген.
Жинақтың тағы бір маңыздылығы - жинаққа кірген ақын - жазушылардың көпшілігі шығысқазақстандықтар - біздің жерлестеріміз. Несіпбек Айтұлының "Бәйтерек" поэмасынан үзінді, Нұржан Қуантайұлының "Көктем", "Қансонарда", "Тебінде" атты өлеңдері, Ұлықбек Есдәулеттің, Ақберен Елгезектің, Тыныштықбек Әбдікәкімовтің орыс және қазақ тілдеріндегі өлеңдері топтастырылған.
Кітапты Корея Республикасының ұлттық мәдени мұраларды зерттеу институты мен Қазақстан Республикасы Ұлттық музейі арасындағы «Көркемдік мұра бұйымдарын қазақ корей бірлесе зерттеулерін жүргізу туралы 2016 жылғы келісімге сәйкес басып шығару жоспарланған. Биыл жарық көрген каталог «Қазақстанның тас үйінді обаларынан табылған алтын зергерлік бұйымдарды бірлесе зерттеу» жобасы аясында қорытынды еңбек. Кітап қазақ, орыс тілдерінде.
Достар!
Окоптарға гүл бітіп, көзден қуалай аққан жас тамшылары әлдеқашан кеуіп кетсе де, соғыс салған жара әлі күнге жазылар емес.
Қаза тапқан, хабарсыз кеткен, ауыр күндерді бастан кешіріп соғыс тауқыметін тартқан отбасылық тарих ешкімді бей-жай қалдырмаса керек...
Биылғы жылы Ұлы Жеңіс мерекесі қарсаңында А.С. Пушкин атындағы облыстық кітапхана қызметкерлері Ұлы Отан соғысы жылдарында Еңбек Армиясы (Трудармия) қатарында болған шығысқазақстандықтардың тағдырын зерделеуге көңіл бөлмек.
Кімде –кімге аталар ерлігі қымбат болса Еңбек Армиясы қатарында болған аталарыңыз, туыстарыңыз, ауылдастарыңыз туралы қандай да бір болмасын деректердің ( эссе, очерк, фотосурет) электрондық нұсқасын ШҚ облыстық А.С.Пушкин атындағы кітапханаға (spravka@pushkinlibrary.kz; iimaspushkina@mail.ru) жіберулеріңізді сұраймыз.
Қазіргі ұрпақ Ұлы Отан соғысына қатысқан, майдан даласынан қайтпай қалған, тылда еңбек үлгісін көрсетіп, жеңіс жолында еңбек еткен боздақтар алдында бас иіп құрмет көрсетуіміз керек! Ол біздің адамгершілік парызымыз!
18 қаңтар күні А.С. Пушкин атындағы облыстық кітапханада жерлестеріміз - жазушы Мүсілім Құмарбеков пен ақын Ғалым Байбатыровты еске алу кеші өтті. Кездесуге журналистер, қос қаламгердің әріптестері, ағайын –туыстары жиналды. Кітапханашы Кемешева Меруерт «Шығыстың шырайын келтірген әз -ағалар» атты кітап көрмесіндегі қос қаламгердің шығармашылығына шолу жасады.
|
|
|
