Жеңіс туы
Желбіресін мәңгілік!
Жеңіс жыры,
Асқақтасын жаңғырып!
Жыл сайын 9 мамыр күні барша халық Ұлы Отан соғысының Жеңіс күнін атап өтеді. Биыл Жеңіске 67 жыл толып отыр. Бұл сұрапылда қаһарлы жылдарды естен шығару мүмкін емес.··
Ұлы Отан соғысының оқиғалары, майдан жауынгерлерінің ерліктері мен тылдағы еңбек адамдарының даңқты істері сол кездің өзінде де тілге тиек, әңгімеге арқау болып жатты. Оқиғалардың ізін суытпай жазылған қысқа-қысқа газет хабарларынан бастап, сол кезде-ақ жарияланған үлкенді-кішілі еңбектер халық ерлігін баяндады. Осы тақырыпқа арналған көркем шығармалар, пьесалар мен кинофильмдер қанша десеңізші.
Халық ерлігіне арналған көркем шығармалар өз алдына бір төбе. Қазақстанда жасақталған құрамалардың жауынгерлік сапарына, құрама жауынгерлерінің ерліктеріне байланысты тарихи құжаттар, деректі фактілер мен оқиғалар негізінде әңгіме қозғайтын соғыс ардагерлерінің естеліктері де елеулі түрде бой көрсете бастады. Бұлар қазақстандық құрамалар тарихын, жерлестеріміздің соғыстағы ерлігін келешек зерттеушілер үшін де қажет екені сөзсіз.
Ұлы Отан соғысының құны- ол Ұлы Жеңіс. Ал Ұлы Жеңістің· құны- майдан жолындағы құрбандар. Әлемдегі ең алғашқы социалистік мемлекет КСРО уақыттың тезіне төзе алмай ыдыраса да, тарихтағы ең зұлмат соғыс, екінші дүниежүзілік соғыста жұмылған жұдырықтың арқасында фашистік Германияға төтеп бере алды. Қазіргі өскелең ұрпақтың алдындағы басты міндет Отан үшін тас жастанып, мұз құрсанып, қасық қандары қалғанша күресіп Жеңістің туын желбіреткен батырларымыздың ерлігін· өнеге етіп, пір тұту, мәңгілікке жадында сақтау.
Шығысқазақстандық соғысқа қатысқан авторлар қатарында: А. В. Потапов, М. Мусин, Белобородов, Крыгин, Егоров, Тұрлыбаев. Қ. Рахимов сынды тұлғалар бар.
Рахимов Құрмат Рахимұлы (1924 ж.т.) - Ұлы Отан соғысының ардагері, ішкі қызмет полковнигі.· Шығыс Қазақстан облысында ол кісінің алар орны ерекше. Майдан жолын жүріп өткен ардагер, соғыстан кейінгі де бар ғұмырын отанға адал қызмет етуге арнаған қазақтың асыл азаматтарының бірі. Майдандағы сержант Рахимов 1943 жылдан Белоруссия, Литва, Шығыс Пруссияны азат етуге ат салысқан.Құрмат Рахимұлы бір ғана емес, бірнеше буынды тәрбиелеген тәлімгер.Полиция полковнигінің жалпы еңбек өтілі - 52 жыл, оның ішінде ішкі істер органы мен ішкі әскерде – 41 жыл.
А.И.Егоров – Ұлы Отан соғысына қатысқан жазушы (1926 ж.р.). 1943 жылы желтоқсан айында он жеті жасар А.Егоров майданға аттанады. 1-Балтық жағалауы майданы 43-әскерінің шабуылдау батальонының құрамында болып, Белоруссияны азат етудегі «Багратион» тарихи операциясына қатысады. Жалпы әскерде 7 жыл өткізген. 2-дәрежелі Отан соғысы және 3-дәрежелі Даңқ ордендерімен марапатталған.
Құрмат Рахимұлы көптеген жылдар бойы материал жинап, жауынгерлік күрес туралы естелік кітап жазуды армандап келді.
2008 жылы Құрмат Рахимовтың «Күршімде тудым» атты алғашқы кітабы 300 дана болып жарық көреді. 2009 жылы екінші толықтырылған басылымы 200 данамен шығады.
1962 жылы әскерден азат етілген соң Жоғарғы партия мектебінің журналистика факультетінтәмамдайды. Телеарнада, облыстық«Казахстанская правда», «Рудный Алтай» газеттерінде, «Шмель» «Мысль» журналдарында журналист, «Жазушы»баспасы бас редакторының орынбасары қызметтерін атқарады. 1999 жылдан Өскемен қаласында тұрады.
«Алтайская одиссея», «Дол березовых туманов», «На стрежне века», «Разрубленная деревня» романдары мен көптеген повесть, әңгіме, новелла мен очерктердің авторы.
Жазушы шығармашылығының басым бөлігі Ұлы Отан соғысына арналған. Ұлы Жеңістің 60 жылдығына орай 2005 жылы жарық көрген «Испытание» дилогиясы «Таежный затворник» және «Шла война народная» романдарынан тұрады.